Thirukkural

913

பொருட்பால்நட்பியல்வரைவின் மகளிர்

பொருட்பெண்டிர் பொய்ம்மை முயக்கம் இருட்டறையில்

ஏத஧ல் பிணந்தழீஇ அற்று.

Transliteration:

Porutpentir Poimmai Muyakkam Iruttaraiyil

Edhil Pinandhazheei Atru

✨ AI Explanation

பால் (Section)பொருட்பால்Wealth • Porutpaal

இயல் (Chapter)நட்பியல்Friendship • Natpiyal

அதிகாரம் (Topic)வரைவின் மகளிர்Wanton Women • Varaivinmakalir

Adhigaram 92: வரைவின் மகளிர்

English Translation

The false embrace of whores is like That of a damned corpse in the dark

Couplet

As one in darkened room, some stranger corpse inarms,Is he who seeks delight in mercenary women's charms

Explanation

The false embraces of wealth-loving women are like (hired men) embracing a strange corpse in a dark room

Tamil Commentaries (தமிழ் உரைகள்)

மு.வரதராசனார் உரை

பொருளையே விரும்பும் பொது மகளிரின் பொய்யானத் தழுவல், இருட்டறையில் தொடர்பில்லாத ஒரு பிணத்தைத் தழுவினாற் போன்றது.

கலைஞர் மு.கருணாநிதி உரை

விலைமாதர்கள் பணத்துக்காக மட்டுமே ஒருவரைத் தழுவிப் பொய்யன்பு காட்டி நடிப்பது, இருட்டறையில் ஓர் அந்நியப் பிணத்தை அணைத்துக் கிடப்பது போன்றதாகும்.

சாலமன் பாப்பையா உரை

பொருளையே விரும்பும் பாலியல் தொழிலாளரின் போலித் தழுவல், இருட்டு அறையில் முன்பு அழியாத பிணத்தைத் தழுவுவது போலாம்.

பரிமேலழகர் உரை

பொருட்பெண்டிர் பொய்ம்மை முயக்கம் - கொடுப்பாரை விரும்பாது பொருளையே விரும்பும் பொது மகளிரது பொய்ம்மையையுடைய முயக்கம்; இருட்டு அறையில் ஏதில் பிணம் தழீஇயற்று - பிணமெடுப்பார் இருட்டறைக்கண்ணே முன்னறியாத பிணத்தைத் தழுவினாற்போலும். (பொருட்கு முயங்கும் மகளிர், கருத்தும் செயலும் ஆராயாது சாதியும் பருவமும் ஒவ்வாதானை முயங்குங்கால், அவர் குறிப்புக் கூலிக்குப் பிணம் எடுப்பார் காணப்படாத ஓரிடத்தின்கண் இயைபில்லாததோர் பிணத்தை எடுக்குங்கால், அவர் குறிப்போடு ஒக்கும். எனவே, அகத்தால் அருவராநின்றும் பொருள் நோக்கிப் புறத்தால் தழுவுவர், அதனை ஒழிக என்பதாம். இவை மூன்று பாட்டானும் அவர் சொல்லும் செயலும் பொய் என்பது கூறப்பட்டது.).

மணக்குடவர் உரை

பொருளே கருதும் பெண்டிர் ஒருவனோடு பொய்யே முயங்கும் முயக்கம், இருட்டறையினுள்ளே கிடந்ததொரு வேற்றுப் பிணத்தைக் கூலிக்குத் தழுவியதுபோலும். இவை இரண்டினாலும் கணிகையர் கூட்டத்தினால் வரும் குற்றம் கூறப்பட்டது. Translation

thirukkural.site

913

✨ AI Explanation

translate English Translation

format_quote Couplet

description Explanation

menu_book Tamil Commentaries (தமிழ் உரைகள்)

account_circle மு.வரதராசனார் உரை

account_circle கலைஞர் மு.கருணாநிதி உரை

account_circle சாலமன் பாப்பையா உரை

account_circle பரிமேலழகர் உரை

account_circle மணக்குடவர் உரை