Thirukkural

1293

காமத்துப்பால்கற்பியல்நெஞ்சொடு புலத்தல்

கெட்டார்க்கு நட்டார்இல் என்பதோ நெஞ்சேநீ

பெட்டாங்கு அவர்பின் செலல்.

Transliteration:

Kettaarkku Nattaaril Enpadho Nenjenee

Pettaangu Avarpin Selal

✨ AI Explanation

பால் (Section)காமத்துப்பால்Love • Kaamaththuppaal

இயல் (Chapter)கற்பியல்The Post-marital love • Karpiyal

அதிகாரம் (Topic)நெஞ்சொடு புலத்தல்Expostulation with Oneself • Nenjotupulaththal

Adhigaram 130: நெஞ்சொடு புலத்தல்

English Translation

You follow him at will Is it \"The fallen have no friends\" my heart?

Couplet

'The ruined have no friends, 'they say; and so, my heart,To follow him, at thy desire, from me thou dost depart

Explanation

O my soul! do you follow him at pleasure under the belief that the ruined have no friends?

Tamil Commentaries (தமிழ் உரைகள்)

மு.வரதராசனார் உரை

நெஞ்சே! நீ உன் விருப்பத்தின்படியே அவர் பின் செல்வதற்குக் காரணம், துன்பத்தால் அழிந்தவர்‌க்கு நண்பர் இல்லை என்னும் எண்ண‌மோ?.

கலைஞர் மு.கருணாநிதி உரை

நெஞ்சே! நீ எனை விடுத்து அவரை விரும்பிப் பின் தொடர்ந்து செல்வது, துன்பத்தால் அழிந்தோர்க்கு நண்பர்கள் துணையிருக்க மாட்டார்கள் என்று சொல்வது போலவோ?.

சாலமன் பாப்பையா உரை

நெஞ்சே! நீ என்னிடம் இல்லாமல் உன் விருப்பப்படியே அவரிடம் செல்லக் காரணம், இந்த உலகத்தில் கெட்டுப் போனவர்களுக்கு நண்பர் இல்லை என்பதனாலோ?.

பரிமேலழகர் உரை

(இதுவும் அது.) நெஞ்சே - நெஞ்சே; நீ பெட்டாங்கு அவர்பின் செலல் - என்மாட்டு நில்லாது நீ விரும்பியவாறே அவர்மாட்டுச் செல்லுதற்குக் காரணம்; கெட்டார்க்கு நட்டார் இல் என்பதோ? - கெட்டார்க்கு நட்டார் உலகத்து இல்லை என்னும் நினைவோ? நின்னியல்போ? கூறுவாயாக. ('என்னை விட்டு அவர்மாட்டுச் சேறல் நீ பண்டே பயின்றது', என்பாள், 'பெட்டாங்கு' என்றும், தான் இதுபொழுது மானமிலளாகலின், 'கெட்டார்க்கு' என்றும் கூறினாள். 'பின்' என்பது ஈண்டு இடப் பொருட்டு. 'செலல்' என்பது ஆகுபெயர். 'ஒல்கிடத்து உலப்பிலா உணர்விலார் தொடர்பு' (கலித்,பாலை 25)ஆயிற்று, நின் தொடர்பு என்பதாம்.).

மணக்குடவர் உரை

நெஞ்சே! நீ என்னிடத்து நில்லாது வேண்டின வண்ணமே அவர் பின்பே செல்கின்றது, கெட்டார்க்கு நட்டார் இல்லையென்பதனானேயோ?.

திருக்குறளார் வீ. முனிசாமி உரை

நெஞ்சமே! நீ விரும்பியவாறே அவரிடம் செல்லுவதற்குக் காரணம் கேட்டவர்களுக்கு நட்புற்றவர்கள் உலகத்தில் இல்லை என்கின்ற நினைப்போ?.

thirukkural.site

1293

✨ AI Explanation

translate English Translation

format_quote Couplet

description Explanation

menu_book Tamil Commentaries (தமிழ் உரைகள்)

account_circle மு.வரதராசனார் உரை

account_circle கலைஞர் மு.கருணாநிதி உரை

account_circle சாலமன் பாப்பையா உரை

account_circle பரிமேலழகர் உரை

account_circle மணக்குடவர் உரை

account_circle திருக்குறளார் வீ. முனிசாமி உரை