Thirukkural

1257

காமத்துப்பால்கற்பியல்நிறையழிதல்

நாணென ஒன்றோ அறியலம் காமத்தால்

பேணியார் பெட்ப செயின்.

Transliteration:

Naanena Ondro Ariyalam Kaamaththaal

Peniyaar Petpa Seyin

✨ AI Explanation

பால் (Section)காமத்துப்பால்Love • Kaamaththuppaal

இயல் (Chapter)கற்பியல்The Post-marital love • Karpiyal

அதிகாரம் (Topic)நிறையழிதல்Reserve Overcome • Niraiyazhidhal

Adhigaram 126: நிறையழிதல்

English Translation

When lover's love does what it desires We forget all shame unawares

Couplet

No sense of shame my gladdened mind shall prove,When he returns my longing heart to bless with love

Explanation

I know nothing like shame when my beloved does from love (just) what is desired (by me)

Tamil Commentaries (தமிழ் உரைகள்)

மு.வரதராசனார் உரை

நாம் விரும்பிய காதலர் காமத்தால் நமக்கு விருப்பமானவற்றைச் செய்வாரானால். நாணம் என்று சொல்லப்படும் ஒரு பண்பையும் அறியாமல் இருப்போம்.

கலைஞர் மு.கருணாநிதி உரை

நமது அன்புக்குரியவர் நம்மீது கொண்ட காதலால் நமக்கு விருப்பமானவற்றைச் செய்யும்போது, நாணம் எனும் ஒரு பண்பு இருப்பதையே நாம் அறிவதில்லை.

சாலமன் பாப்பையா உரை

என்னால் விரும்பப்பட்டவர் காதல் ஆசையில் நான் விரும்பியதையே செய்தபோது, நாணம் என்று சொல்லப்படும் ஒன்றை அறியாமலேயே இருந்தேன்.

பரிமேலழகர் உரை

(பரத்தையிற் பிரிந்து வந்த தலைமகனோடு நிறையழிவாற் கூடிய தலைமகள் 'நீ புலவாமைக்குக் காரணம் யாது?' என்ற தோழிக்குச் சொல்லியது.) பேணியார் காமத்தாற் பெட்பசெயின் - நம்மால் விரும்பப்பட்டவர் வந்து காமத்தால் நாம் விரும்பியவற்றைச் செய்யுமளவில்; நாண் என ஒன்றோ அறியலம் - நாண் என்றொன்றையும் அறிய மாட்டேமாயிருந்தோம். ('பேணியார்' எனச் செயப்படுபொருள் வினைமுதல் போலக் கூறப்பட்டது. விரும்பியன - வேட்கை மிகலினாற் கருதியிருந்த கலவிகள். நாண் - பரத்தையர் தோய்ந்த மார்பைத் தோய்தற்கு நாணுதல். 'ஒன்று' என்பது ஈண்டுச் 'சிறிது' என்னும் பொருட்டு. இழிவு சிறப்பு உம்மை விகாரத்தால் தொக்கது. நிறையழிவான் அறியாது கூடிய தன் குற்றம் நோக்கி, அவளையும் உளப்படுத்தாள்.).

மணக்குடவர் உரை

நாணென்பதொன்று அறியார் மகளிர், காமம் காரணமாக விரும்பப்பட்டவர் தாம் விரும்புமாறு செய்வாராயின். அவர் விரும்புமாறு செய்வாராயின் நாணமுண்டாகா தென்றவாறு.

திருக்குறளார் வீ. முனிசாமி உரை

நம்மால் விரும்பப்பட்ட தலைவர் திரும்ப வந்து காமத்தால் நாம் விரும்பியவற்றைச் செய்யுங்கால் நாணம் என்ற ஒன்றினையும் அறிய முடியாதவராக இருந்தோம்.

thirukkural.site

1257

✨ AI Explanation

translate English Translation

format_quote Couplet

description Explanation

menu_book Tamil Commentaries (தமிழ் உரைகள்)

account_circle மு.வரதராசனார் உரை

account_circle கலைஞர் மு.கருணாநிதி உரை

account_circle சாலமன் பாப்பையா உரை

account_circle பரிமேலழகர் உரை

account_circle மணக்குடவர் உரை

account_circle திருக்குறளார் வீ. முனிசாமி உரை