Thirukkural

1256

காமத்துப்பால்கற்பியல்நிறையழிதல்

செற்றவர் பின்சேறல் வேண்டி அளித்தரோ

எற்றென்னை உற்ற துயர்.

Transliteration:

Setravar Pinseral Venti Aliththaro

Etrennai Utra Thuyar

✨ AI Explanation

பால் (Section)காமத்துப்பால்Love • Kaamaththuppaal

இயல் (Chapter)கற்பியல்The Post-marital love • Karpiyal

அதிகாரம் (Topic)நிறையழிதல்Reserve Overcome • Niraiyazhidhal

Adhigaram 126: நிறையழிதல்

English Translation

O Grief, my deserter you seek Of your caprice what shall I speak!

Couplet

My grief how full of grace, I pray you see!It seeks to follow him that hateth me

Explanation

The sorrow I have endured by desiring to go after my absent lover, in what way is it excellent?

Tamil Commentaries (தமிழ் உரைகள்)

மு.வரதராசனார் உரை

வெறுத்து நீங்கிய காதலரின் பின் செல்ல விரும்பிய நிலையில் இருப்பதால் என்னை அடைந்த இந்த காமநோய் எத்தன்மையானது? அந்‌தோ!.

கலைஞர் மு.கருணாநிதி உரை

வெறுத்துப் பிரிந்ததையும் பொறுத்துக் கொண்டு அவர் பின்னே செல்லும் நிலையை என் நெஞ்சுக்கு ஏற்படுத்திய காதல் நோயின் தன்மைதான் என்னே.

சாலமன் பாப்பையா உரை

என்னைப் பிரிந்து சென்றவர் பின்னே நான் போய்ச் சேர வேண்டும் என்று என்னைப் பிடித்த இந்தக் காதல் நோய் தூண்டுவதால் இது மிகமிகக் கொடியது.

பரிமேலழகர் உரை

(இதுவும் அது.) செற்றவர் பின் சேறல் வேண்டி - என்னை அகன்று சென்றார் பின்னே யான் சேறலை வேண்டுதலான்; என்னை உற்ற துயர் எற்று அளித்து - என்னை உற்ற துயர் எத்தன்மையது? சால நன்று. (செற்றவர் என்றது ஈண்டும், அப்பொருட்டு. 'வேண்ட' என்பது, 'வேண்டி' எனத் திரிந்து நின்றது. 'அளித்து' என்பது இகழ்ச்சிக் குறிப்பு. 'இக்காமநோய் யான் சொல்லவும் கேட்கவும் ஆவதொன்றன்று; சாலக்கொடிது' என்பதாம்.).

மணக்குடவர் உரை

செறுத்தார்பின்னே யான் சேறலை வேண்டுதலால் என்னை யடைந்த துயர் எத்தன்மைத்து; நன்றாக இருக்கின்றது. இது தனித்திருந்து துயருறுதல் காமத்திற்கு இயற்கையென்று கூறிய தலைமகளை நோக்கி இது நின்போல்வார்க்குத் தகாதென்ற தோழிக்கு அவள் சொல்லியது.

திருக்குறளார் வீ. முனிசாமி உரை

என்னைவிட்டுப் பிரிந்தவர் பின்னே யான் செல்லுவதை விரும்புவதால், எனக்கு உற்ற துயர் எத்தன்மையானது?. மிகவும் நல்லதேயாகும்.

thirukkural.site

1256

✨ AI Explanation

translate English Translation

format_quote Couplet

description Explanation

menu_book Tamil Commentaries (தமிழ் உரைகள்)

account_circle மு.வரதராசனார் உரை

account_circle கலைஞர் மு.கருணாநிதி உரை

account_circle சாலமன் பாப்பையா உரை

account_circle பரிமேலழகர் உரை

account_circle மணக்குடவர் உரை

account_circle திருக்குறளார் வீ. முனிசாமி உரை