Thirukkural

1245

காமத்துப்பால்கற்பியல்நெஞ்சொடு கிளத்தல்

செற்றார் எனக்கை விடல்உண்டோ நெஞ்சேயாம்

உற்றால் உறாஅ தவர்.

Transliteration:

Setraar Enakkai Vitalunto Nenjeyaam

Utraal Uraaa Thavar

✨ AI Explanation

பால் (Section)காமத்துப்பால்Love • Kaamaththuppaal

இயல் (Chapter)கற்பியல்The Post-marital love • Karpiyal

அதிகாரம் (Topic)நெஞ்சொடு கிளத்தல்Soliloquy • Nenjotukilaththal

Adhigaram 125: நெஞ்சொடு கிளத்தல்

English Translation

He spurns our love and yet, O mind, Can we desert him as unkind?

Couplet

O heart, as a foe, can I abandon utterlyHim who, though I long for him, longs not for me

Explanation

O my soul! can he who loves not though he is beloved, be forsaken saying he hates me (now)?

Tamil Commentaries (தமிழ் உரைகள்)

மு.வரதராசனார் உரை

நெஞ்சே! யாம் விரும்பி நாடினாலும் எம்மை நாடாத அவர் நம்மை வெறுத்து விட்டார் என்று எண்ணிக் கைவிட முடியும‌ோ?.

கலைஞர் மு.கருணாநிதி உரை

நெஞ்சே! நாம் விரும்பினாலும் நம்மை விரும்பி வராத அவர், நம்மை வெறுத்து விட்டார் என நினைத்து அவர் மீது கொண்ட காதலைக் கைவிட்டு விட முடியுமா?.

சாலமன் பாப்பையா உரை

நெஞ்சே! நான் அவர்மீது அன்பு காட்டியும், என்மீது அன்பு காட்டாத அவரை, நம்மை வெறுத்தவர் என்று எண்ணிக் கைவிடும் உள்ள உறுதி எனக்கு உண்டோ?.

பரிமேலழகர் உரை

(இதுவும் அது.) நெஞ்சே - நெஞ்சே; யாம் உற்றால் உறாஅதவர் - யாம் தம்மையுறத் தாம் உறாத நம் காதலரை; செற்றாரெனக் கைவிடல் உண்டோ - வெறுத்தார் என்று கருதிப் புலந்து கைவிட்டிருக்கும் வலி நமக்குண்டோ? இல்லை. (உறுதல் - அன்பு படுதல். 'அவ்வலி யின்மையின் அவர்பால் செல்வதே நமக்குத் தகுவது' என்பதாம்.).

மணக்குடவர் உரை

நெஞ்சே! யாம் உற்றபின்பு உறாது போனவர் செறுத்தாரென்று அவரைக் கைவிடுதல் இயல்போ?. உறுதல்- விரைந்துறுதல். தலைமகள் தலைமகன் கொடுமையை உட்கொண்ட நெஞ்சிற்குச் சொல்லியது.

திருக்குறளார் வீ. முனிசாமி உரை

நெஞ்சமே! நாம் அன்பு கொண்டு அவரைக் காதலித்திருக்க, நம்பால் காதல் கொள்ளாதிருக்கும் அவரை வெறுத்தார் என்று கருதிப் புலந்து கைவிட்டிருக்கும் வலிமை நமக்கு உண்டோ?.

thirukkural.site

1245

✨ AI Explanation

translate English Translation

format_quote Couplet

description Explanation

menu_book Tamil Commentaries (தமிழ் உரைகள்)

account_circle மு.வரதராசனார் உரை

account_circle கலைஞர் மு.கருணாநிதி உரை

account_circle சாலமன் பாப்பையா உரை

account_circle பரிமேலழகர் உரை

account_circle மணக்குடவர் உரை

account_circle திருக்குறளார் வீ. முனிசாமி உரை